АТА −АНАЛАРДЫ ПЕДАГОГИКАЛЫҚ ҚОЛДАУ

 Мақсаты:Тәрбиенің бастауы, негізгі қайнар көзі — отбасы. Сол отбасы деген шағын мемлекеттің тірегі, балаларының қорғаны — әке. Сондықтан отбасының береке-бірлігі, ынтымағы үшін отағасының әділ, ұстамды болуы өте маңызды. «Бір әкенің тәрбиесін жүз мектеп те бере алмайды» деген қанатты сөз бар. Әрине, қазақ халқы ертеден-ақ ер баланы елдің болашақ батыры, отбасы қорғаны деп қашанда жоғары қойған. Отбасында әкені «отағасы» деп бағалап, әрқашан құрметтеген. 
Әке деген үш ақ әріп қарасаң,
Берген ақылы сан жетпейді санасаң деп бүгінгі  әке баласының физикалық және рухани тұрғыдан мықты болып өсуіне көп мән беру керек. Сондай-ақ ұқыптылық, адалдық, мейірімділік, өзгелерге жақсылық жасау секілді адами қасиеттерді ұзын- сонар әңгіме немесе ақыл айтып емес, әке өзінің іс-әрекетімен көрсетсе бала санасында мәңгі есте қалады.