"ДЕНСАУЛЫҚ-ӘРБІР АДАМНЫҢ БАҒА ЖЕТПЕС БАЙЛЫҒЫ"
2025 жылы 7 сәуірде Шымкент қаласы білім басқармасына қарасты №126 «Айнатас» негізгі орта мектебінде «Біртұтас тәрбие» бағдарламасы аясында 5, 6А, 7, 9-сынып оқушыларымен «Дүниежүзілік денсаулық сақтау» тақырыбында тәрбие сағаты өткізілді. Бұл іс-шараның басты мақсаты оқушыларға денсаулықтың маңызын түсіндіру, дұрыс өмір салтын қалыптастыруға тәрбиелеу және денсаулықты сақтау жолдары туралы ақпарат беру болды.
Дүниежүзілік денсаулық сақтау күні 1948 жылдан бастап атап өтілуде. Бұл күннің мақсаты — адамдарға денсаулықтың маңыздылығын түсіндіру, аурулардың алдын алу, денсаулықты нығайту және барлық елдерде сапалы медициналық көмекке қолжетімділікті арттыру. Денсаулық — әрбір адамның баға жетпес байлығы. Әсіресе, жастардың арасында дұрыс өмір салтын қалыптастыру маңызды, себебі ол олардың болашақ өмір сапасына тікелей әсер етеді.
