«Отбасы- тәрбиенің алтын бесігі»
Шымкент қаласы білім басқармасына қарасты №126 Айнатас негізгі орта білім беретін мектебінде “Отбасы- тәрбиенің алтын бесігі” тақырыбында іс- шаралар өтті.
Өзіңді өмірге келтірген, тіршілігіңе нәр берген ата-анаңның алдында адамның парыз-міндеті өлшеусіз. Бала үшін бас ұстаз – ата-ана екенін ескерсек, жақсы ата-ана бола білу аса жауапты іс. Бала табиғатын тану, оны түсіну, жөнімен еркелету, шынайы қарым-қатынас құру, оның бойындағы бар ерекшелікті көре біліп, қабілетін дамыту, бағдарлау, ынталандыру – ұрпағының ертеңі үшін алаңдайтын парасатты ата-ананың игілікті әрекеті. Өміріміздің ең мәнді өзегі – тұлғалық тұрғыда толық қалыптасқан парасатты перзент тәрбиелеу. Саналы ұрпақ тәрбиелеу үшін саналы ата-ана болуымыз керек. Ата-аналар, қолымыздағы алтынымызды жақсылап тәрбиелеп, баларға үлгі болар бейне екенімізді ұмытпайық.
